Aatmasamman Se Dosti | Hindi Poetry On Self Respect

 

Bhale Mushkil Lage Yeh Safar Tanha Sa

Par Jazbaaton Ke Bojh Tale Aur Naa Dabunga

Aatmasamman Se Kar Li Hai Pakki Wali Dosti

Ab Kisi Ke Bhi Meethi Meethi Baaton Mein Aake Main Naa Fislunga

Ashqon Ke Hawale Karunga Naa Aur Apni Zindagi

Naa Hi Jhooti Muskaan KO Khud Pe Odhunga

Zaroorat Nahi Ab Kisiko Kuch Samjhane Ki

Main Bina Fikr Apne Khwabon Ko Jeene Nikal Padunga

Sab Chal Pade Hain Apne Zidd Ki Naav Pe Hoke Sawar

Isliye Banke Manjhi Main Bhi Apni Tarah Se Zindagi Ka Yeh Dariya Paar Karunga

Sahi Galat Se Hoke Befikr

Main Apni Khushi Ke Liye Lehron Sang Beh Chalunga

Badlunga Naa Apne Tarike Kisi Aur Ke Khaatir

Doosre Ke Hasrat Ke Liye Khud Ka Keemti Waqt Daon Pe Naa Lagaunga

Mita Ke Wazood Befizul Khayalon Ka

Main Har Ek Lamha Poore Shaan Se Khud Ke Liye Jeeunga